Somoza

Álvaro Siza e Manel Somoza

Porto (2007)

Manel Somoza é fillo dunha aldea da bisbarra do Salnés, onde o rio Ulla se fai ría. Estudou arquitectura na Universidade de Barcelona e alí ficou como arquitecto, mantendo relación humana —e ás veces profesional— permanente coa Galiza. Repartindo o tempo entre o traballo liberal no seu despacho e a dedicación á administración pública —actualmente é Director da Área de Urbanismo do concello de Sabadell—, ten unha ampla obra de arquitectura e planeamento urbano. Colabora en proxectos con Álvaro Siza dende fai máis de vinte anos.